حنیف عباسی کامیاب،شیخ رشید پانچویں نمبر پررہے،کئی امیدواروں سے پیچھے رہے

راولپنڈی (روزنامہ سچ)پاکستان مسلم لیگ ن کے سینئررہنما حنیف عباسی نے راولپنڈی کے قومی اسمبلی کے حلقہ این اے 56 سے کامیابی حاصل کر لی ہے۔بی بی سی اردو نے بتایا کہ الیکشن کمیشن کی جانب سے فراہم کردہ غیرسرکاری و غیرحتمی نتائج کے مطابق حنیف عباسی نے 96649 ووٹ حاصل کئے جبکہ ان کے مدِ مقابل تحریک انصاف کے حمایت یافتہ آزاد امیدوار شہریار ریاض 82613 ووٹ حاصل کر پائے،اسی حلقے سے عوامی مسلم لیگ کے سربراہ شیخ رشید بھی امیدوار تھے اور انھیں 5725 ووٹ ملے اور وہ پانچویں نمبر پر رہے، جماعت اسلامی اور تحریک لبیک کے امیدواروں نے شیخ رشید سے زیادہ ووٹ حاصل کئے۔