برج حمل ، سیارہ مریخ، 21 مارچ سے 20 اپریل
انشاءاللہ آگے جو ہوگا وہ اچھا ہی ہوگا۔ اللہ پاک پر پورا بھروسہ رکھیں، وہ آپ کی ہر مشکل آسان فرما دے گا اور آپ کو اس جگہ سے نوازے گا جہاں سے آپ کی سوچ بھی نہ ہو۔ آپ بس اپنے معاملات ٹھیک رکھیں اور دل و دماغ کو صاف رکھیں۔ رزق کا ذریعہ صرف جائز ہونا چاہیے۔ پھر دیکھیں کہ قسمت آپ پر کس طرح مہربان ہوتی ہے۔ یہ ہفتہ آپ کی نیت کے مطابق ہی پھل دے گا، یاد رہے۔
برج ثور، سیارہ زہرہ، 21 اپریل سے 20 مئی
آپ جس مسئلے میں کافی دنوں سے آئے ہوئے ہیں، انشاءاللہ اب اس سے نکلنے والے ہیں اور آپ کی تمام پریشانیاں اللہ ختم کرکے آپ کو ضرور نوازے گا۔جو لوگ روزگار کے لئے بیرون ملک جانے کے خواہشمند ہیں، ان کی مراداب پوری ہونے والی ہے اور جن کو پاکستان میں روزگار کرنا ہے وہ آج کل میں ہی اپنے سامنے کوئی شاندار راستہ دیکھ سکیں گے۔ قدرتی مہربانی ہونے والی ہے۔
برج جوزہ، سیارہ عطارد، 21 مئی سے 20 جون
دوہری شخصیت کا حامل شخص ان دنوں آپ کے بہت قریب ہے۔ آپ کو ہر قیمت اس سے بچ کر چلنا ہے ورنہ مسئلہ ہوگا اور آپ کی عزت میں بھی فرق پڑ سکتا ہے۔ جن لوگوں نے اپنی حفاظت کی وہی کامیاب ہیں۔ ان دنوں آپ کو کسی طرح سے انشاءاللہ اچھی آفر آنے کی امید بھی ہے اور راستہ برسوں پہلے بند ہو چکا تھا وہ اب کھلنے جا رہا ہے۔ اس کا فائدہ ہوگا۔
برج سرطان، سیارہ چاند، 21 جون سے 20 جولائی
ملازمت میں تبادلے کا امکان ہے،موجودہ جگہ پر برقرار نہیں رہ سکیں گے۔ بہرحال دونوں صورتوں میں تبدیلی واضح دکھائی دے رہی ہے ۔جو لوگ کسی بھی الجھن کا شکار ہیں وہ انشاءاللہ اس سے نکل سکیں گے اور جو مالی معاملات ہیں وہ اب تیزی سے بہتر ہو سکیں گے۔ ان دنوں آپ کی صحت کے حوالے سے بھی اچھی خبریں ہیں۔ قرض وغیرہ کے معاملات میں بھی بہتری آ سکے گی۔
برج اسد، سیارہ شمس، 21 جولائی سے 21 اگست
جن افراد نے اپنے گھریلو ماحول میں دلچسپی نہ لی تو اولاد کے حوالے سے خاص طور پر وہ آگے چل کر پریشان ہو سکتے ہیں۔ اب فیصلہ آپ نے کرنا ہے ۔جو بھی قانونی مسئلے و مقدمے انکوائری وغیرہ میں مبتلا ہیں وہ انشاءاللہ اس سے نکل سکیں گے۔جو سلسلہ روزگار کبھی بند ہو گیا تھا اس کے چلنے کے امکانات روشن ہیں۔ آپ کے لئے یہ ہفتہ بے حد مددگار ثابت ہوگا۔
برج سنبلہ ، سیارہ عطارد، 22 اگست سے 22 ستمبر
آپ جس مسئلے میں آئے ہوئے ہیں، اس سے انشاءاللہ نکلنے میں کامیاب ہوں گے ،جو لوگ کسی بھی شخص کے ساتھ مل کر کام کرنا چاہتے ہیں ان کے لئے یہ ہفتہ مددگار ہوگا اور بہترین سلسلہ بن سکتا ہے۔ آپ کو اپنی نظر اتارنے کا مشورہ بھی ہے۔ بہت جلد اس پکڑ میں آ جاتے ہیں اور پھر سارے مسئلے خراب ہو جاتے ہیں۔ یاحی یا قیوم کا ورد 1000مرتبہ روزانہ کریں، فائدہ ہوگا۔
برج میزان ، سیارہ زہرہ، 23 ستمبر سے 22 اکتوبر
آپ کی ذرا سی لاپروائی آ پ کے لئے مسائل کھڑے کر سکتی ہے توجہ دیں۔ اپنے اوپر اپنی صحت کے اوپر اور جن کو آپ کی ضرورت ہے ان پر بھی آپ نے پہلے ہی بہت سال ضائع کر دیئے ہیں، اب قسمت دوبارہ مہربان ہو رہی ہے تو اس اچھے وقت کواپنے ہاتھوں سے مت جانے دیں۔ اب اللہ پاک سے بھی دل لگائیں۔ واضح معلوم ہو رہا ہے کہ ذہنی سکون نہیں ہے تو پھردلوں کا سکون تو اللہ کی یاد میں ہے۔
برج عقرب ، سیارہ مریخ، 23 اکتوبر سے 22 نومبر
آپ کیوں کسی غیر کی باتوں میں آکر اپنی پوزیشن تبدیل کرنا چاہتے ہیں، ابھی ایسا کرنا ٹھیک نہیں ہے اور جو مقدر میں لکھا ہوا ہے وہ آپ تک پہنچ کر رہے گا۔ آپ ضرورت سے زیادہ ڈپریشن دماغ پر سوار کرلیتے ہیں۔ اس وقت آپ کو مصروف رہنے کی ضرورت ہے، اللہ پاک سے دعا کریں وہ آپ کے لئے کوئی بہترین اسباب پیدا فرما دے گا۔ رزق بھی عزت بھی اور پھر شہرت بھی سب ملے گا۔
برج قوس ، سیارہ مشتری، 23 نومبر سے 20 دسمبر
آپ ان دنوں بالکل بھی اپنے دل و دماغ کو صاف نہیں رکھ پا رہے۔ کبھی کچھ سوچ آتی ہے اور کبھی کچھ ، موبائل پر بھی الٹی سیدھی ویڈیو دیکھ کر دماغ خراب رہتا ہے۔ یہ ظلم ہے خود کے ساتھ۔ اپنی عادت کو بدلیں۔ اگر برے خیالات آئیں تو صرف بسم اللہ الرحمن الرحیم 786مرتبہ روزانہ پڑھ لیا کریں اور صدقہ بھی دیں۔ سچی توبہ کرکے ۔ آج کل اشد ضرورت محسوس ہو رہی ہے، غور کریں۔
برج جدی ، سیارہ زحل، 21 دسمبر سے 19 جنوری
آپ نے اپنے مزاج کو نہ بدلا تو یہ آپ کے لئے باکل بھی اچھا نہ ہوگا۔آپ آج کل جو کررہے ہیں اس پر نظرثانی کی اشد ضرورت ہے اور جو لوگ غور نہیں کریں گے وہ بڑا ہی پچھتائیں گے۔ یہ ہفتہ صرف ان لوگوں کا ساتھ دے گا جو حالات کے مطابق چلنا چاہتے ہیں اور اپنے تمام معاملات کو ٹھیک رکھے ہوئے ہیں۔ اس وقت صورت حال بہتری کی جانب ہے مگر عدم توجہ سے بہتری نہیں مل رہی۔
برج دلو ، سیارہ زحل، 20 جنوری سے 18 فروری
اللہ پاک سے خیر کی دعا کریں کچھ بھی نہیں ہوا، کیوں پریشان ہو رہے ہیں۔ اس وقت سب ٹھیک چل رہا ہے، اگر آپ پھر بھی مسائل میں ہیں تو ذاتی کسی غلطی کی وجہ سے ہیں۔ تمام حالات کا ازسرنوجائزہ لیں۔آپ کو بات سمجھ میں آجائے گی۔ پھر اس غلطی کا ازالہ کریں گے تو سب کچھ ٹھیک ہوتا چلا جائے گا۔یہ ہفتہ آپ کی ذہنی کیفیت کے مطابق رزلٹ دے گا۔انشاءاللہ
سیارہ مشتری، 19 فروری سے 20 مارچ
آپ اس مسئلے سے نکل جائیں گے جس نے برسوں سے تنگ کیا ہوا ہے اور جو لوگ کسی بھی قانونی معاملات مقدمے ،انکوائری یا گھریلو جھگڑے وغیرہ کی وجہ سے بے حد پریشان ہیں۔ اللہ ان کا مسئلہ ضرور حل فرمادیں گے اور ان کے لئے وہاں سے سلسلہ پیدا فرمائیں گے جو آپ کے خیال میں بھی نہیں۔ بس توکل سے کام لیں،450مرتبہ حسبنا اللہ و نعیم الوکیل کا ورد روزانہ کیا کریں۔
