دبئی (طاہر منیر طاہر) پاکستان مسلم لیگ ن دبئی متحدہ عرب امارات کے سینئر نائب صدر میاں غلام محی الدین کی طرف سے اپنی رہائش گاہ پر منعقدہ ایک تقریب میں وفاقی وزیر برائے منصوبہ بندی و ترقی چودھری ارمغان سبحانی، صوبائی سیکرٹری سیاحت ایم پی اے رانا عارف اقبال ہرناہ ،صوفی غلام فریدالدین، صوفی غلام محی الدین ، صوفی غلام نظام الدین،غلام مرتضیٰ قادری، چودھری آصف سہیل سابق چیئرمین یونین کونسل بوتھ، چیئرمین چناب پریس کلب ہیڈمرالہ ڈاکٹر ذوالفقارعلی بھٹی، محمد وسیم کھوکھر، عابد لودھرہ، جمال چیمہ، بوٹی گجر، طاہر ساہی، ندیم مغل، نعمان حسن بٹ، عرفان مغل ، وزیر اعظم کے معاون خصوصی برائے اوو رسیز پاکستانیز حافظ شاہد گھگھ اور معززین علاقہ نے شرکت کی-
تقریب میں قصبہ بھوتھ کے دیرینہ مسائل کو اجاگر کرتے ہوئے پاکستان مسلم لیگ ن دبئی متحدہ عرب امارات کے سینئر نائب صدر میاں غلام محی الدین نے صوبائی سیکرٹری سیاحت ایم پی اے رانا عارف اقبال ہرناہ کی توجہ مسائل کے حل کی طرف دلائی- جس پر ایم پی اے رانا عارف اقبال ہرناہ نے یقین دہانی کروائی کہ کلمہ چوک سے لے کر نالہ پلکھو اور امام دین چوک تک سڑک کی تعمیر اور سیوریج کا منصوبہ جلد پایہ تکمیل تک پہنچایا جائے گا –
ایم پی اے رانا عارف اقبال ہرناہ نے کہا کہ حکومت لوگوں کی فلاح و بہبود کے لئے ہر ممکن اقدامات کر رہی ہے جس کے ثمرات جلد ظاہر ہوں گے- انہوں نے مزید کہا کہ یونین کونسل بھو تھ کے باقی ماندہ ترقیاتی منصوبے بھی جلد مکمل کئے جائیں گے۔
