سندھ بلوچستان کے سرحدی علاقوں میں زلزلے کے جھٹکے محسوس کئے گئے

اسلام آباد(سچ نیوز)سندھ بلوچستان کے سرحدی علاقوں میں زلزلے کے جھٹکے محسوس کئے گئے ہیں،شہریوں میں خوف وہراس پھیل گیا۔جیو نیوز کے مطابق سندھ بلوچستان کے سرحدی علاقوں میں زلزلے کے جھٹکے محسوس کئے گئے ہیں،جس سے شہری خوفزدہ ہو کر کلمہ طیبہ کا ورد کرتے ہوئے گھروں سے باہر نکل آئے، زلزلہ پیما مرکز کے مطابق بدھ کے روز ریکٹر اسکیل پر زلزلے کی شدت4.5 ریکارڈ کی گئی،گہرائی12کلومیٹر تھی، زلزلے کے باعث شہریوں میں خوف وہراس پھیل گیا اور شہری گھروں سے نکل کر محفوظ مقامات پرمنتقل ہوگئے،زلزلہ پیما مرکز کے مطابق زلزلے کا مرکز کھیرتھر نیشنل پارک کے قریب تھا،زلزلے کے جھٹکے10 بجکر40 منٹ پر محسوس کیے گئے۔