تہران (ویب ڈیسک)ایران میں دو خواتین صحافیوں کو سازش اور منصوبہ سازی کے الزام میں ایک ماہ کےلیے جیل بھیج دیا گیا۔
خواتین صحافیوں کے وکیل عامررئیسیان کا میڈیا سے گفتگو می کہنا تھا کہ نگین بغیری اور ایلناز محمدی کو 3سال قید کی جزوی معطل سزا سنائی گئی ہے۔
انکا کہنا تھا کہ دونوں صحافی خواتین کو سزا کا کچھ حصہ جیل میں گزارنا ہوگا، دونوں کی بقیہ سزا 5سال کی مدت کےلیے معطل کی گئی۔
عامر رئیسیان نے کہا کہ دونوں صحافیوں کو 5 سال کے دوران پیشہ ورانہ اخلاقی تربیت حاصل کرنی ہوگی۔ پانچ سال کے دوران دونوں کو ملک چھوڑنے کی اجازت نہیں ہوگی۔
ادھر خبر ایجنسی کا کہنا ہے کہ انسانی حقوق گروپوں کے مطابق مہاساامینی کی برسی کے پیش نظر متعدد گرفتاریاں کی گئی ہیں۔
حجاب قانون کی خلاف ورزی پر گرفتار مہاساامینی دوران قید گزشتہ برس 16 ستمبر کو انتقال کرگئی تھی۔
