بہاولپور (ویب ڈیسک) حاصل پور میں کار ٹائر برسٹ ہونے کے بعد موٹر سائیکل سے ٹکرا گئی، حادثے میں 5 افراد جاں بحق اور ایک زخمی ہو گیا۔بہاولپور ریسکیو کنٹرول کے مطابق حاصل پور میں چھونا والا روڈ پر تیز رفتار کار ٹائر برسٹ ہونے کے بعد الٹ گئی اور موٹر سائیکل سے جا ٹکرائی۔
حادثے میں موٹر سائیکل پر سوار 10 سالہ لڑکے اور خاتون سمیت 3 افراد موقع پر جاں بحق ہو گئے جبکہ کار میں سوار 3 افراد شدید زخمی ہوئے۔زخمیوں کو تحصیل ہیڈ کوارٹر ہسپتال حاصل پور منتقل کر دیا گیا، جہاں زخموں کی تاب نہ لاتے ہوئے 2 افراد دم توڑ گئے، تیسرے زخمی کی حالت بھی انتہائی تشویشناک ہے جسے بہاول وکٹوریہ ہسپتال منتقل کردیا گیا۔
