16 سالہ لڑکی کو زیادہ پڑھنے پر 4 کزنز نے مل کر گینگ ریپ کا نشانہ بنا دیا

نئی دہلی(سچ نیوز) بھارت میں 4کزنز نے مل کر اپنی 16سالہ کزن اجتماعی زیادتی کا نشانہ بناڈالا، جس کی وجہ ایسی تھی کہ سن کر یقین کرنا مشکل ہو جائے۔ ٹائمز آف انڈیا کے مطابق یہ انسانیت سوز واقعہ بھارتی ریاست اترپردیش کے قصبے سیتا پور میں پیش آیا ہے جہاں یہ چاروں لڑکے اور لڑکی ایک ہی سکول میں پڑھتے تھے اور آپس میں کزنز تھے۔ متاثرہ لڑکی پڑھائی میں اپنے چاروں کزنز لڑکوں سے بدرجہا بہتر تھی، جس پر وہ اس سے حسد کرتے تھے کیونکہ ان کے گھر والے بھی اس لڑکی کی مثال دے کر انہیں شرم دلایا کرتے تھے۔رپورٹ کے مطابق ایک روز ان چاروں شیطان صفت نوجوانوں نے سکول میں ہی اپنی کزن کو مشروب میں نشہ آور دوا دے کر اجتماعی زیادتی کا نشانہ بناڈالا اور اس دوران اس کی فلم بھی بناتے رہے جو بعد ازاں انہوں نے ایک واٹس ایپ گروپ میں خاندان کے کچھ لوگوں کو بھیج دی۔خاندان کے لوگوں میں سے ایک نے لڑکی کے والدین کو اس بات سے آگاہ کر دیا جنہوں نے پولیس کو رپورٹ کر دی۔ پولیس کے مطابق ملزمان کے خلاف ایف آئی آر درج کر لی گئی ہے تاہم تاحال ان میں سے کوئی بھی گرفتار نہیں ہو سکا۔ واضح رہے کہ یہ پانچوں کزنز آٹھویں جماعت کے طالب علم تھے۔