یمن کے مستقبل میں سعودی عرب اور متحدہ عرب امارات کے لئے ایرانی دھمکیوں کی جگہ نہیں:امریکی دفتر خارجہ

دبئی(سچ نیوز)امریکی دفتر خارجہ نے کہا ہے کہ امریکی انتظامیہ یمن میں سعودی عرب کی قیادت میں سرگرم عرب اتحاد کی امداد روکنے کی سخت مخالف ہے،یمن کے مستقبل میں سعودی عرب اور متحدہ عرب امارات کے لئے ایرانی دھمکیوں کی جگہ نہیں۔غیر ملکی میڈیا کے مطابق امریکی دفتر خارجہ میں خلیجی امورکے نگران اسسٹنٹ سیکرٹری خارجہ ٹیموتھی لینڈرکنگ نے ابوظہبی میں ایک کانفرنس سے خطاب کرتے ہوئے کیا ۔انہوں نے کہا کہ ٹرمپ انتظامیہ یمن میں سعودی عرب کی قیادت میں سرگرم عرب اتحاد کی امداد روکنے کی سخت مخالف ہے۔واضح رہے کہ یمن کی سیاست سے متعلق سویڈن مذاکرات اہم مرحلے میں داخل ہو گئے ہیں جس کے بعد دونوں فریقیں کے درمیان اختلافات کی خلیج کے خدوخال نمایاں ہونا شروع ہو گئے ہیں۔ حوثی وفد اپنی سابقہ شرائط پر قائم ہے تاہم فریقین کے درمیان الحدیدہ بندرگاہ اور صنعاء ہوائی اڈے کی حوالگی سے متعلق اختلافات برقرار ہیں جبکہ بحران کے سیاسی حل، عبوری مدت اور قیدیوں جیسے معاملات پر بھی اختلافات تاحال برقرار ہیں۔