”ہسپتال پر حملہ قانون کے رکھوالوں کا معاملہ ہے“، تجزیہ کار ارشاد بھٹی کا دردناک تجزیہ

اسلام آباد ( سچ نیوز )تجزیہ کار ارشاد بھٹی نے کہاہے کہ ہسپتال پر حملہ قانون کے رکھوالوں کا معاملہ ہے ، اگر اب بھی نوٹس نہ لیا گیا تو پھر ہمارا اللہ ہی حافظ ہے ۔جیونیور کے پروگرام ”رپورٹ کارڈ“میں گفتگو کرتے ہوئے ارشاد بھٹی نے کہا کہ وکلاگردی شرمناک اور قابل مذمت ہے لیکن یہ چند روز کی مذمتیں ہیں ، چند روز حکومت کی رٹ کہاں ہے کی باتیں ہونگی؟ لیکن پھر صلح ہوجائے گی ، ضمانتیں ہوجائیں گی اور معاملہ دبا دیا جائے گا ۔ انہوں نے کہا کہ ہسپتال پر حملہ قانون کے رکھوالوں کا معاملہ ہے ، اگر اب بھی نوٹس نہ لیا گیا تو پھر ہمارا اللہ ہی حافظ ہے ۔ارشاد بھٹی کا کہنا تھا کہ یوسف رضا گیلانی خط نہ لکھیں تو نا اہل ، نہال ہاشمی اورطلال چودھری چند جملے بولیں تو نا اہل لیکن وکلاءنے عدالتوں میں کتنے لوگوں کو پھینٹیاں لگائیں ، ججز سے بدتمیزی کی اور کچھ نہیں ہوا ۔ انہوں نے کہا کہ اگر عدالتیں پچھلے بیسیوں واقعات پر آنکھیں بندنہ کرتیں تو آج یہ واقعہ پیش نہ آتا جس میں چار زندگی بچانے کیلئے آنیوالے جان سے چلے گئے ۔