کینیڈا کے وزیر اعظم کا عید الاضحیٰ پر خصوصی پیغام ، آغاز اسلام و علیکم ، اختتام عید مبارک پر کیا

اوٹاوا ( سچ نیوز ) کنیڈا کے وزیر اعظم جسٹسن ٹرووڈو نے عید الاضحیٰ پر مسلمانوں کیلئے خصوصی پیغام جاری کیا ، کینیڈین وزیر اعظم نے گفتگو کا آغاز اسلام و علیکم جبکہ اختتام عید مبارک پر کیا۔

سماجی رابطے کی ویب سائٹ ٹویٹر پر اپنے ویڈیو پیغام میں جسٹن ٹرووڈو نے کہا کہ آج کینیڈا سمیت دنیا میں مسلمان حج اور عید الاضحیٰ منا رہے ہیں ،یہ وقت اہل خانہ اور پیاروں کے لئے دعا کرنے ، کھانا بانٹنے ،اور قربانی کے اسباق پر غور کرنے ،   ضرورت مندوں کے لئے ہمدردی کا اظہار کرنے کا درس دیتا ہے ۔جسٹن ٹرووڈو نے کہا کہ  میں جانتا ہوں کہ سب لوگ اپنے تمام پیاروں سے مل کر یہ خوشی نہیں منا رہے ، اس سال بہت سے لوگ تاریخ میں پہلی مرتبہ مکہ مکرمہ کی زیارت سے محروم رہے ہیں ،لیکن اگر ہم صحت عامہ کے رہنما خطوط پر عمل پیرا  ہوں اورکورونا سے بچاؤ کی ویکسین لگوائیں  تو ہم اس مہلک  وائرس کو مات دیں گے اور  اگلے سال سب مل جل کر عید منانے کے قابل ہو جائیں گے ۔

کینیڈین وزیر اعظم نے کہا کہ وبائی مرض سے لے کر افضال خاندان کے المناک قتل، ملک بھر میں سیاہ فام خواتین کے خلاف حملوں  سمیت یہ سال بہت سارے لوگوں کیلئے مشکل اور تکلیف دہ رہا۔ اسلامو فوبیا حقیقت ہے ، نسل پرستی حقیقی ہے ، آپ اچھی طرح جانتے ہیں ، نفرت کے بھیانک نتائج ہوتے ہیں۔میں تمام کینیڈین مسلمانوں کو یقین دلانا چاہتا ہوں کہ ہم نفرتوں سے لڑنے اور اپنی برادریوں کو محفوظ رکھنے کے لئے ہر ممکن کوشش کریں گے۔انہوں نے مزید کہا کہ ہم ہمیشہ آپ کے ساتھ کھڑے رہیں گے، اور آپ نے ملک بھر کی کمیونٹیز میں جو بھی حصہ ڈالا ہے اور ان کو جاری رکھنا ہے، آپ کے کنبہ کے لئے،میری خواہش ہے کہ ہر ایک عید الاضحی خوشی سے منائے، عید مبارک۔