کیا نئے سال کے آغاز میں مہنگائی کی نئی لہر آنے والی ہے ؟حکومت نے منی بجٹ لانے کا اعلان کردیا

اسلام آباد(سچ نیوز ) وزیر خزانہ اسد عمر نے اعلان کیا ہے کہ حکومت جنوری کے وسط میں منی بجٹ لائے گی۔نجی نیوز چینل جیو نیوز کے مطابق وزیراعظم ہاوس میں صحافیوں سے گفتگو کرتے ہوئے وزیر خزانہ نے کہا کہ منی بل ریونیو پیدا کرنے کیلئے نہیں لارہے۔آئی ایم ایف کی شرائط سے متعلق وزیر خزانہ نے بتایا کہ آئی ایم ایف کی شرائط سے زیادہ اصلاحات کی رفتار اور سمت اہم ہے، وزارت خزانہ نے اب تک جو بھی فیصلے کیے، ان کا آئی ایم ایف کی شرائط سے کوئی تعلق نہیں۔اسد عمر کا کہنا تھا کہ پی آئی اے اور اسٹیل مل کی بحالی کیلئے جنوری کے آخر تک پلان سامنے آجائے گا، یہ طے ہوجائے گا کہ دونوں اداروں کو کیسے بحال کیا جائے، ان اداروں کی بحالی کیلئے گرینڈ حکمت عملی بنارہے ہیں۔