کرپشن کے الزام میں ایرانی صدر حسن روحانی کے بھائی کو سخت سزا دے دی گئی

تہران (سچ نیوز )ایرانی صدر حسن روحانی کے بھائی حسین فریدون کو کرپشن کے الزام میں 5 سال قید کی سزا سنادی گئی۔نجی نیوز چینل جیو نیوزکے مطابق عدالتی ترجمان غلام حسین اسماعیلی کا کہنا ہے کہ حسین فریدون کو کرپشن کے الزام میں 5 سال قید کی سزا سنائی گئی ہے جبکہ دیگر الزامات کے حوالے سے بھی تحقیقات کی جارہی ہیں۔حسین فریدون پر اہم مالیاتی اداروں پر تقرریوں کے لیے رشوت لینے اور منی لانڈرنگ کے الزامات ہیں۔حسین فریدون ایرانی صدر حسن روحانی کے معاون بھی ہیں، اس کے علاوہ وہ ملائیشیا میں 8 سال تک ایرانی سفیر بھی رہ چکے ہیں۔ حسین فریدون کو کرپشن کے الزامات پر 2017 میں گرفتار کیا گیا تھا تاہم انہیں فوری طور پر ضمانت پر رہا کردیا گیا تھا۔