کراچی میں فائرنگ ، ایم کیو ایم کا عہدیدار جاں بحق

کراچی ( روزنامہ سچ)کراچی کے علاقے شاہ فیصل کالونی نمبر 1 میں فائرنگ سے ایم کیو ایم کا مقامی عہدیدار جاں بحق ہوگیا۔نجی ٹی وی جیو نیوز کے مطابق پولیس نے بتایا کہ فائرنگ سے زخمی شخص دوران علاج دم توڑگیا، مقتول کی شناخت 35 سالہ ریحان کے نام سے ہوئی ہے۔اہلخانہ کا بتانا ہے کہ مقتول ریحان ایم کیو ایم پاکستان سرجانی ٹاو¿ن کاجوائنٹ یوسی آرگنائزر تھا۔کنوینئر ایم کیو ایم خالد مقبول صدیقی نے جوائنٹ یوسی آرگنائزر ریحان کے قتل پر اظہار افسوس کرتے ہوئے واقعے کی فوری تحقیقات کا مطالبہ کیا ہے،انہوں نے کہا کہ نگران وزیراعلیٰ سندھ اور قانون نافذ کرنے والے ادارے قتل کی تحقیقات کریں اور ملزمان کو فوری طور پر گرفتار کیا جائے۔