چین کے صدر شی جن پنگ نے وزیراعظم عمران خان کو لکھے گئے اپنے خط میں اس عزم کا اظہار کیا ہے کہ دنیا کے حالات جیسے بھی ہوں دونوں ملکوں کی دوستی قائم رہے گی
بیجنگ (سچ نیوز) صدر شی جن پنگ نے وزیراعظم عمران خان کو سالگرہ کی مبارکباد دیتے ہوئے اپنی نیک خواہشات کا بھی اظہار کیا، چینی صدر کا کہنا تھا کہ ہماری پاکستان کیساتھ دوستی مثالی ہے ، دونوں ممالک کے تعلقات ہر آزمائش پر پورا اترے ،کورونا کے دوران دونوں ممالک کے درمیان مثالی تعاون دیکھنے کو ملا۔چین اور پاکستان کی دوستی دن بدن مضبوط ہو رہی ہے ، دونوں قومیں ایک دوسرے کی بہتری چاہتی ہیں، سی پیک کا خطے کی ترقی کے لئے اہم کردار ہے ۔