پشاور (ویب ڈیسک) صوبائی دارالحکومت پشاور میں جان بچانے والی 40 سے زائد ادویات کی قلت کے باعث مریضوں کی مشکلات میں اضافہ ہوگیا۔
جیو نیو ز کے مطابق دل، شوگر، بلڈ پریشر، کینسر اور مرگی سمیت کئی بیماریوں کی ادویات پشاور کی مارکیٹوں سے غائب ہیں جس کے باعث شہری پریشانی سے دوچار ہیں۔ دوسری جانب پاکستان کیمسٹس اینڈ ڈرگسٹس ایسوسی ایشن نے دواؤں کی عدم دستیابی کا ملبہ دوا ساز کمپنیوں پر ڈال دیا ہے۔ ان کا کہنا ہےکہ ادویات میں استعمال ہونے والا مٹیریل مہنگا ہوا ہے ، جس کے باعث کمپنیوں نے فراہمی میں کمی کردی ہے ، دواؤں کی قیمتیں بڑھنے کی وجہ بھی قلت کا باعث ہے۔خیال رہے کہ ایک سال کے دوران جان بچانے والی ادویات کی قیمتوں میں 100سے 200 فیصد تک اضافہ ہوا ہے۔
