پرویز مشرف کے خلاف فیصلے پر کی جانےوالی تنقید کی مذمت، بارکونسلز کا موقف بھی آگیا

کراچی، لاہور(سچ نیوز ) پاکستان بار کونسل کے صدر او ردیگر عہدیداروں نے خصوصی عدالت کے پرویز مشرف کے خلاف فیصلے پر کی جانےوالی تنقید کی مذمت کی ہے اور کہا ہے کہ اگر اس فیصلے میں انہیں کچھ خامیاں نظر آتی ہیں تو قانون میں اس کا طریقہ کار دیا گیا ہے اور سپیریئر کورٹ میں اس کیخلاف اپیل ، پٹیشن یا ریویجن دائر کیا جاسکتا ہے۔ایسے بیانات سے لگتا ہے کہ بشمول عدلیہ تمام ادارے اس کے ماتحت ہیں، حکومتی وزرا اور انکی قانونی ٹیم کے بیانات اور خاص طور پر اٹارنی جنرل جن کے بیانات سے لگتا ہے کہ اس حکومت کو انسٹال کیاگیا ہے ،اسی لیے ان کے لب و لہجے ایک جیسے ہیں،دریں اثنا پنجاب بار کونسل نے بھی فیصلے کی تعریف کی ہے اور حکومت اور ادارے کی طرف سے اس پر جو تنقید کی جارہی ہے اس کی مذمت کی ، ادارہ قابل احترام ہے، اس کے ذمہ داروں کو احتیاط سے کام لینا چاہیے،فیصلے کے خلاف بیان واپس لیا جائے اور ادارہ کسی ایک فرد کیلئے پارٹی نہ بنے۔