لاہور (سچ نیوز) معروف ماڈل و اداکارہ سعیدہ امتیاز نے پاکستان پیپلز پارٹی میں شمولیت اختیار کر لی ہے۔تفصیلات کے مطابق اداکارہ سعیدہ امتیاز نے پیپلز پارٹی کے چیئرمین بلاول بھٹو زرداری سے ملاقات کر کے پیپلز پارٹی میں شامل ہونے کا فیصلہ کیا۔ اس موقع پر اداکارہ کا کہنا تھا کہ ملک کی خدمت ہم سب پر فرض ہے، پاکستان پیپلز پارٹی کا سیاسی ویژن متاثر کن ہے، پیپلز پارٹی کے ساتھ مل کر ملکی تعمیر و ترقی میں اپنا کردار ادا کریں گے۔اداکارہ سعیدہ امتیاز نے پیپلز پارٹی میں شمولیت کا اعلان سماجی رابطوں کی ویب سائٹ ٹوئٹر پر کیا اور بلاول بھٹو زرداری کیساتھ ملاقات کی تصویر شیئر کرتے ہوئے لکھا ”باقاعدہ طور پر پیپلز پارٹی میں شمولیت اختیار کر لی ہے۔“
