اسلام آباد( ویب ڈیسک) پاکستان میں شرح سود بڑھنے کا امکان ہے، شرح سود بڑھانے کا بنیادی مقصد بڑھتی ہوئی مہنگائی پہ قابو پانا ہے۔
برطانوی خبر رساں ایجنسی روئٹرز کے مطابق انٹرنیشنل مانیٹری فنڈ (آئی ایم ایف) کی رہنمائی میں پاکستان میں شرح سود بڑھنے کا امکان ہے۔اس ضمن میں بتایا گیا ہے کہ آئی ایم ایف کی سٹاف لیول رپورٹ میں سخت مانیٹری پالیسی جاری رکھنے پر زور دیا گیا ہے۔ روئٹرز سروے میں 16 میں سے 9 ماہرین شرح سود میں ایک فیصد اضافے کے اندازے لگا رہے ہیں۔
سروے میں ماہرین کا کہنا ہے کہ پیر کے اجلاس میں شرح سود 23 فیصد کر دی جائے گی، اسٹیٹ بینک نے اپریل 2022 سے اب تک 12.25 فیصد شرح سود بڑھائی ہے۔جون کے شیڈول اجلاس میں شرح سود برقرار رکھی گئی تھی، آئی ایم ایف پروگرام حاصل کرنے کیلئے جون کے ہنگامی اجلاس میں شرح سود ایک فیصد بڑھائی گئیں۔
