اسلام آباد(سچ نیوز)ترک وزیرخارجہ میولوت چاوش اولو نے وزیراعظم عمران خان سے ملاقات کرتے ہوئے انتخابات میں کامیابی پر مبارک باد دی ہے جبکہوزیرِاعظم عمران خان نے کہا ہے کہ پاک ترک عوام مذہبی اور ثقافتی تعلقات میں بندھے ہیں، دونوں ممالک کی عوام کا مستقبل ایک دوسرے سے جڑا ہے، پاکستان اور ترکی نے ہمیشہ ایک دوسرے کا ساتھ دیا، دونوں
م
مالک مستقبل میں مضبوط شراکت داری قائم کرنے کی
صلاحیت رکھتے ہیں۔وزیراعظم ہاؤس سے جاری ا علامیہ کے مطابق وزیراعظم عمران خان سے ترک وزیرِ خارجہ نے ملاقات کی جس میں دونوں ممالک کے درمیان دو طرفہ تعلقات اور اہم ا مور پر تبادلہ خیال کیا گیا، پاکستان کے دورے پر آئے ہوئے ترکی کے وزیرِ خارجہ نے ملاقات کے دوران نئی حکومت کو ترک صدر رجب طیب اردگان اور عوام کی جانب سے نیک خواہشات کا پیغام پہنچایا اور وزیراعظم عمران خان کو حالیہ عام انتخابات میں تاریخی کامیابی پر مبارکباد دی۔وزیر اعظم عمران خان نے کہا کہ پاک ترک عوام مذہبی اور ثقافتی تعلقات میں بندھے ہیں، دونوں ممالک کی عوام کا مستقبل ایک دوسرے سے جڑا ہے۔وزیرِاعظم نے کہا کہ پاکستان اور ترکی نے ہمیشہ ایک دوسرے کا ساتھ دیا، دونوں ممالک مستقبل میں مضبوط تر شراکت داری قائم کرنے کے لئے درکار صلاحیت رکھتے ہیں۔ اعلامیہ کے مطابق اس موقع پر گفتگو کرتے ہوئے ترک وزیرِ خارجہ نے مستقبل میں پاکستانی حکومت کے ملک کی تیز ی سے معاشی پیش رفت ،ترقی ، عوام اور خصوصاً متحرک نوجوانوں کی خوشحالی کے لیے بہتر مواقع پید اکرنے کے منصوبے کیلئے مکمل حمایت اور تعاون جاری رکھنے کے ترک حکومت کے عزم کا اعادہ کیا اور کہا کہ انقرہ پاکستان میں ترقی، معاشی استحکام اور پاکستانی قوم کے لیے آگے بڑھنے کے مواقع فراہم کرے گا اور پاکستانی نوجوانوں کو خاص اہمیت دی جائے گی۔اعلامیے کے مطابق دونوں رہنماؤں کے درمیان ملاقات میں باہمی تجارت بڑھانے پر بھی غور کیا گیا۔ ملاقات میں توانائی سمیت مختلف شعبوں میں ترکی کی سرمایہ کاری کے حوالے سے بھی بات کی گئی۔ دونوں ممالک نے اقوام متحدہ اور او آئی سی سمیت دیگر متعد دعالمی اور کثیرالطرفہ فورمز پر تعاون جاری رکھنے کے عزم کا اظہار بھی کیا۔
