اسلام آباد (سچ نیوز )وزیر اعظم عمران خان کی منظوری کے بعد دنیا کے مختلف ممالک میں پاکستان کے 18 نئے سفیر اور قونصل جنرل تعینات کرنے کا فیصلہ کر لیا گیا۔میڈ یا رپورٹس کے مطابق عائشہ عباس خان کو قونصل جنرل نیویارک، سینئر سفارتکار نغمانہ ہاشمی کو بیجنگ میں سفیر تعینات کیا جا رہا ہے، معین الحق کو دہلی اور خالد مجید کو قونصل جنرل جدہ تعینات کیا جا رہا ہے۔اس حوالے سے وزیر خارجہ شاہ محمود قریشی نے بتایا کہ میری وزیراعظم سے طویل مشاورت کے بعد ہمارے خالی سٹیشنز پر 18 اہم تعیناتیاں کی جا رہی ہیں۔ چین کے سفیر اپنی مدت پوری کر چکے ہیں اور ان کی جگہ سینئر سفارتکار نغمانہ ہاشمی کو بیجنگ میں سفیر تعینات کیا جا رہا ہے، دہلی کے لیے معین الحق کو فرانس سے دہلی لگایا جا رہا ہے جبکہ ایڈیشنل سیکریٹری امتیاز احمد کو ٹوکیو میں سفیر تعینات کیا جا رہا ہے۔انہوں نے کہا کہ برسلز، بیلجیئم جو یورپی یونین کا مرکز ہے یہاں ظہیر جنجوعہ کو یورپ کے ساتھ اسٹریٹجک توسیعی منصوبے کو حتمی شکل دینے کے لیے تعینات کیا جا رہا ہے۔وزیر خارجہ کا کہنا تھا کہ ملائیشیا بہت اہم ملک ہے وہاں ایڈیشنل سیکریٹری آمنہ بلوچ کو سفیر لگایا جا رہا ہے جبکہ پرتگال میں جاوید خٹک کو سفیر تعینات کیا جا رہا ہے، کینیا میں ثقلین سیدہ، سنگاپور کے لیے رخسانہ افضل کو سفیر لگایا جارہا ہے۔جمہوریہ چیک کے لیے خالد جمالی کو سفیر تعینات کرنے کا فیصلہ کیا گیا ہے جبکہ الجیریا کے لیے عطا المنعم شاہد پاکستان کے سفیر ہوں گے۔شاہ محمود قریشی نے کہا کہ سوڈان میں سرفراز احمد سپرا اور تاجکستان میں عمران حیدر کو سفیر تعینات کیا جا رہا ہے جبکہ برونائی میں اس عہدے کے لیے میجر جنرل عبد العزیز طارق کا انتخاب کیا گیا ہے۔نہوں نے کہا کہ میجر جنرل محمد خالد راو بوسنیا ہرزیگوینا میں سفیر تعینات ہوں گے، خالد مجید کو قونصل جنرل جدہ لگایا جا رہا ہے، عائشہ عباس خان کو قونصل جنرل نیویارک تعینات کرنے کا فیصلہ کیا گیا ہے، ابو ظہبی میں معظم کو بطور اسپشل سیکریٹری وزارتِ خارجہ لگایا جا رہا ہے جبکہ ان کی جگہ کویت میں ہمارے سفیر غلام دستگیر متحدہ عرب امارات کے سفیر ہوں گے۔انہوں نے بتایا کہ ماسکو میں قاضی خلیل اللہ نے بہترین کردار ادا کیا ہے، انہیں 6 ماہ کی توسیع دی جا رہی ہے۔
وزارت خارجہ نے بھارت سمیت مختلف ممالک میں نئے سفیروں کاتقرر کردیا
وزارت خارجہ نے بھارت سمیت مختلف ممالک میں نئے سفیروں کاتقرر کردیا
-
منجانب AvaniAdmin
- Categories: پاکستان
Related Content
جسٹس قاضی فائز عیسیٰ آج چیف جسٹس آف پاکستان کی حیثیت سے حلف اٹھائیں گے
منجانب
AvaniAdmin
17/09/2023
نیب ترامیم کیس کا فیصلہ تحریک انصاف کو بھگتنا پڑے گا، رانا ثنا اللہ کا بیان
منجانب
AvaniAdmin
16/09/2023
علی محمد خان نے سائفر کیس کی تحقیقات میں جوڈیشل انکوائری کا مطالبہ کردیا
منجانب
AvaniAdmin
10/09/2023
ریویو آف ججمنٹس اینڈ آرڈرز ایکٹ کالعدم قرار دینےکیخلاف نظر ثانی درخواست دائر
منجانب
AvaniAdmin
10/09/2023
4دوست ایک دوسرے کو بچاتے ہوئے دریائے نیلم میں ڈوب گئے
منجانب
AvaniAdmin
10/09/2023
اسلحہ لائسنس بنوانے کے خواہشمندوں کیلئے خوشخبری آگئی
منجانب
AvaniAdmin
03/09/2023