نریندر مودی کو ایوارڈ دینے پر بل گیٹس فاونڈیشن کی اہم رکن نے استعفیٰ دے دیا

نیو یارک (سچ نیوز )بھارتی وزیراعظم نریندر مودی کوایوارڈ دیے جانے کیخلاف بل گیٹس فاونڈیشن کی اہم رکن مستعفیٰ ہوگئیں۔تفصیل کے مطابق گیٹس فاونڈیشن کی کشمیر سے تعلق رکھنے والی کمیونیکیشن سپیشلسٹ صبا حامد نے احتجاجاً ملازمت سے استعفیٰ دیا۔صبا حامد کا کہنا ہے کہ مقبوضہ کشمیر میں لاک ڈاون اور پابندیوں سے انسانی حقوق کی سنگین خلاف ورزیاں کی جا رہی ہیں، مودی حکومت کے اقلیتوں سے روا بدترین سلوک کے باوجود مودی کو ایوارڈ دیے جانے پر بے حد افسوس ہے۔خیال رہے کہ گزشتہ روز بھارتی وزیراعظم مودی کو گیٹس فاونڈیشن کا سالانہ ’گول کیپر ‘ ایوارڈ دیا گیا ہے۔بل اینڈ میلنڈا گیٹس فاونڈیشن نے بھارتی وزیراعظم نریندر مودی کو بھارت میں حفظان صحت کی صورتحال بہتر بنانے کیلئے اقدامات کرنے پر ایوارڈ سے نوازنے کا فیصلہ کیا تھا۔