نامور گلوکار علی حیدر بہت جلد اپنے نئے سولو گانے کے ساتھ واپسی کیلئے تیار

کراچی(سچ نیوز)پاکستان کے نامور گلوکار و اداکار علی حیدر بہت جلد اپنے نئے سولو گانے کے ساتھ سامنے آرہے ہیں،ان کے جلد ریلیز ہونے والا گانا ’کوئی ملتا ہی نہیں‘ بھارت سے تعلق رکھنے والے کمپوزر پرتپل سنگھ نے کمپوز کیاہے۔اپنے اس نئے گانے کے حوالے سے علی حیدر کا کہنا تھا کہ اس گانے کی شاعری کافی گہری ہے، کوئی ملتا ہی نہیں، جو ہے ملنے جیسا، کیا کوئی ہے ہی نہیں اپنے جیسا‘،ویسے تو یہ ایک غزل ہے لیکن گٹارسٹ فراز انور نے اس غزل کو ایک منفرد انداز دے دیا ہے، مجھے ان سے امریکا میں ملاقات کرنے کا موقع ملا، شمل اور عدنان کھوجا نے اس گانے کو پروڈیوس کیا ہے جبکہ راک اسٹار زین نے اس کی ویڈیو ڈائیریکٹ کی۔گانے کی ویڈیو کے حوالے سے علی حیدر نے بتایا کہ اس گانے کی ویڈیو ایک غیرمعمولی موضوع پر مبنی ہے، ویڈیو میں ایک فنکار کی سٹیج پر اور ذاتی زندگی کو پیش کیا جائے گا۔51 سالہ علی حیدر کا اس گانے کو رواں سال فروری کے آخرمیں ریلیز کرنے کا ارادہ ہے۔یاد رہے کہ علی حیدر کا پہلا البم ’جانے جان سن‘ 1988 میں ریلیز ہوا تھا، جبکہ ان کا آخری البم ’بچپن کی بادامی یادیں‘ 2013 میں سامنے آیا تھا ۔