معروف اداکارہ کا واٹس ایپ ہیک کرلیا گیا، فحش کالز کا سلسلہ شروع

ممبئی (سچ نیوز) عمومی طور پر لوگوں کے سوشل میڈیا اکاﺅنٹس ہیک ہوتے رہتے ہیں لیکن ایسا کبھی نہیں ہوا کہ کسی شخص کا واٹس ایپ اکاﺅنٹ ہیک کیا گیا ہو، واٹس ایپ کو انتہائی فول پروف سمجھا جاتا ہے لیکن اب بھارت سے تعلق رکھنے والی معروف اداکارہ کا واٹس ایپ ہیک کیے جانے کا انکشاف ہواہے۔بھارتی میڈیا کے مطابق ٹی وی اداکارہ تیجسوی پرکاش کا واٹس ایپ اکاﺅنٹ ہیک کیا گیا ہے۔ اداکارہ کے مطابق جس شخص نے ان کا واٹس ایپ اکاﺅنٹ ہیک کیا ہے وہ ان کے رابطہ نمبروں پر ایک لنک شیئر کرتا ہے جس کو کھولنے سے ایک کوڈ موصول ہوتا ہے، جیسے ہی یہ کوڈ ہیکر کو بھیجا جاتا ہے تو فوری طور پر ایک ویڈیو کال موصول ہوتی ہے جس میں انتہائی فحش حرکتیں کرتا ہوا ایک آدمی نمودار ہوتا ہے۔تیجسوی پرکاش نے بتایا کہ وہ ڈرامے کی قسط کی شوٹنگ میں مصروف تھیںکہ اسی دوران انہیں ایک ویڈیو کال موصول ہوئی جس میں برہنہ آدمی فحش حرکات کر رہا تھا۔ اداکارہ نے بتایا کہ اس طرح کی ویڈیو کالز انڈسٹری سے تعلق رکھنے والی دیگر اداکاراﺅں کرشمہ تنا اور تانیہ شرما سمیت کئی لوگوں کو موصول ہوئی ہیں۔اداکارہ نے اس سلسلے میں سائبر سیل کو فون کرکے شکایت درج کرائی تو انہوں نے اداکارہ کو قریبی پولیس سٹیشن میں تحریری شکایت درج کرانے کا مشورہ دیا۔ تیجسوی پرکاش کا کہنا ہے کہ وہ بہت جلد پولیس سٹیشن میں درخواست دیں گی۔