لاہور( سچ نیوز )سول ایوی ایشن اتھارٹی (سی اے اے) نے حکم جاری کردیاہے جس کے مطابق آج سے والٹن ائیرپورٹ استعمال نہیں ہوگا۔ائیرپورٹ منیجر کے کا کہنا ہے کہ ائیرپورٹ پر فلائنگ کلبز کو تمام طیارے گراونڈ کرنے کی ہدایت کردی ہے۔
فلائنگ کلب انتظامیہ کے مطابق والٹن ائیرپورٹ پر 200 سے زائد سٹوڈنٹ پائلٹ زیر تربیت ہیں، والٹن ائیرپورٹ بند ہونے سے 5 فلائنگ کلب اور حکومت کا پلانٹ پروٹیکشن ڈیپارٹمنٹ متاثر ہوگا۔ سول ایوی ایشن حکام کے مطابق والٹن ائیرپورٹ سے تربیتی پروازیں عارضی طورپرعلامہ اقبال ائیرپورٹ منتقل کردی گئی ہیں۔سی اے اے حکام کا کہنا ہے کہ نئے فلائنگ کلب کیلئے مریدکے میں جگہ مختص کی جاچکی ہے، ٹینڈر مکمل ہونے پر 6 سے7 ماہ میں فلائنگ کلب مریدکے میں تعمیر کرلیا جائے گا۔والٹن ائیرپورٹ ختم کرکے بزنس ڈسٹرکٹ قائم کیا جائے گا جس کا نوٹیفکیشن جاری ہوچکا ہے۔
