عوام کو کرپٹ سرکاری ملازمین کو گولی مارنے کا حکم

منیلا (سچ نیوز) فلپائن کے صدر روڈریگو ڈوٹرٹ نے عام عوام کو دعوت دی ہے کہ وہ ایسے سرکاری ملازمین کو گولی مار دیں جو رشوت لیتے ہوں اور کرپشن میں ملوث ہوں، تاہم انہیں قتل نہ کریں، صرف زخمی کر دیں۔ سخت گیر صدر نے عوام سے وعدہ کیا ہے کہ اس اقدام پر انہیں جیل نہیں جانے دیں گے۔ غیر ملکی میڈیا کی رپورٹ کے مطابق، صدر نے عوام نے سے کہا ہے کہ احتیاط سے کام لیتے ہوئے راشی اور بدعنوان افسر کو گولی مار کر زخمی کرنا ہے، کیونکہ اس کی ہلاکت کی صورت میں ملکی قوانین مجھے اس بات کی اجازت نہیں دیتے کہ میں قتل کرنے والے کو معاف کر دوں۔ انہوں نے کہا کہ ٹیکس، فیس کی ادائیگی کے معاملے میں یا کوئی سرٹیفکیٹ یا دستاویز بنوانے کیلئے اگر کوئی سرکاری ملازم آپ سے رشوت طلب کرے تو ہتھیار ہونے کی صورت میں آپ اسے گولی مار سکتے ہیں۔ انہوں نے کہا کہ میں وعدہ کرتا ہوں کہ آپ کو جیل جانے نہیں دوں گا، آپ کو صرف جسمانی سزا ملے گی۔ واضح رہے کہ فلپائنی صدر کو مزاحیہ جملوں کی وجہ سے پہچانا جاتا ہے۔