راولپنڈی (سچ نیوز) معروف ٹی وی اداکارہ عتیقہ اوڈھو کے خلاف شراب بر آمدگی کیس کی سماعت بغیر کسی کارروائی کے 9 جنوری تک ملتوی کر دی گئی ہے۔تفصیلات کے مطابق اداکارہ عتیقہ اوڈھو کیخلاف شراب برآمدگی کیس کی سماعت آج راولپنڈی کی کسٹم عدالت میں ہوئی جسے وکلاءکی غیر حاضری کے باعث بغیر کسی کارروائی کے9 جنوری تک ملتوی کر دیا گیا۔ اداکارہ عتیقہ اوڈھو کی ضمانت کے بعد وکلاءاس کیس کی پیروی کر رہے ہیں۔واضح رہے کہ 2011ءمیں فنکارہ جب اسلام آباد کے بینظیر بھٹو انٹرنیشنل ائیرپورٹ سے کراچی جارہی تھیں تو ان کے بیگ سے کسٹم حکام نے دوران تلاشی 2بوتل غیر ملکی شراب برآمد کی تھی۔ اس وقت کے چیف جسٹس افتخار چوہدری کے سوموٹو نوٹس پر ائیرپورٹ پولیس نے کسٹمز آفیسر کی مدعیت میں اداکارہ کے خلاف مقدمہ درج کیا تھا۔
