ماسکو(سچ نیوز) روس نے مشرقی بحیرہ روم کے بڑے علاقے کو پروازوں اور جہاز رانی کے لئے بند کر دیا ہے جس کو بعض ذرائع نے شام میں روسی فوجی طیارے کی تباہی پر اسرائیل کے خلاف پہلی تادیبی کارروائی قرار دیا ہے۔غیر ملکی ٰخبر رساں ادارے کے مطابق روس نے فضائی اور سمندری جہازرانی کے عالمی اداروں کو اپنے اس اقدام سے مطلع کرتے ہوئے کہا ہے کہ روسی فوجی شام کے ساحلوں کے قریب جاری فوجی مشقوں کے دوران میزائیل بھی چلائیں گے۔ مشرقی بحیرہ روم کا علاقہ آئندہ بدھ تک ہر قسم کی پروازوں اور سمندری جہازوں کی آمد و رفت کے لیے بند رہے گا۔اس سے اسرائیل کی پروازوں اور سمندری جہازوں پر اثر پڑے گا۔
