راولپنڈی: (سچ نیوز) راولپنڈی میں بارش کے سبب پی ایس ایل میچ متاثر ہونے کا خدشہ، اسٹیڈیم میں پانی جمع ہو گیا، عملے نے پچ کو دہرے کورز سے ڈھانپ دیا۔
راولپنڈی میں آج بارش کے باعث اسلام آباد یونائیٹڈ نے پریکٹس سیشن منسوخ کر دیا، اسلام آباد یونائیٹڈ اور پشاور زلمی کے درمیان ہفتہ کو پنڈی کرکٹ اسٹیڈیم میں بڑا ٹاکرا شیڈول ہے، میچ سے قبل ٹیم نے کرکٹ اسٹیڈیم میں پریکٹس کرنا تھی۔
بارش کے سبب آج شام لاہور قلندرز اور پشاور زلمی کے مابین ہونے والا میچ متاثر ہونے کا خدشہ ہے۔ پی سی بی حکام کا کہنا ہے کہ بارش کے باعث ٹاس نہ ہوسکا تو ٹکٹ 100 فیصد ریفنڈ ہوگا، 5 اوورز سے کم کا کھیل کھیلا گیا تو 75 فیصد ٹکٹ ریفنڈ ہوگا، 5 اوورز سے زیادہ لیکن 10 اوورزسے کم میچ کھیلا گیا تو50 فیصد ٹکٹ ریفنڈ ہوگا، 10 یا اس سے زائد اوورز کا کھیل کھیلا گیا تو ٹکٹ ریفنڈ نہیں ہوگا۔
