رابی پیرزادہ نے غریب پاکستانیوں کوخوشخبری سنادی، اعلان کردیا

کراچی(سچ نیوز) پاکستانی گلوکارہ رابی پیرزادہ نے غریبوں کے لیے مفت ڈسپنسری کھولنے کا اعلان کردیا۔گلوکارہ رابی پیرزادہ گلوگاری کے ساتھ اب فلاحی کاموں میں بھی بڑھ چڑھ کر حصہ لیں گی۔ حال ہی میں رابی پیرزادہ نے سوشل میڈیا پر ایک پوسٹ شیئر کی ہے جس میں انہوں نے بغیر کسی کی مدد کے اپنے دم پر غریبوں کے لیےمفت دواخانہ قائم کرنے کا اعلان کیا ہے۔انسٹاگرام پوسٹ پر رابی پیرزادہ کا کہناتھا کہ وہ بہت جلد غریب اور مستحق لوگوں کے لیے بغیر کسی بیرونی امداد کے مفت ڈسپنسری قائم کرنے جارہی ہیں۔ ڈسپنسری اورادویات کا خرچہ انہوں نے اپنے کنسرٹس سے ہونے والی کمائی سے اٹھانے کا اعلان کرتے ہوئے کہا ”لوگ دوسروں سے عطیات لے کر فلاحی کام کرتے ہیں، میں اپنی کمائی سے کروں گی۔“رابی پیرزادہ کے اس فیصلے کو سوشل میڈیا پر بہت سراہاجارہا ہے اور لوگ ان کے فلاحی کام کی تعریف کرتے ہوئے ان کے لیے نیک تمنائوں کا اظہار کررہے ہیں۔واضح رہے کہ چند روز قبل رابی پیرزادہ نے وزیراعظم عمران خان کے احساس پروگرام کے تحت لنگر اسکیم پر تنقید کرتے ہوئے انہیں مشورہ دیاتھا کہ خان صاحب آپ لوگوں کو مانگ کر نہیں بلکہ کماکر کھانا سیکھائیں کیونکہ پاکستانی عوام بھکاری نہیں ہے، وہ محنت سے کماکر کھانا چاہتے ہیں۔ رابی پیرزادہ کی اس ٹوئٹ کو بھی سوشل میڈیا پر بے حد سراہا گیا تھا۔