اسلام آباد (سچ نیوز) رکن قومی اسمبلی فیصل واڈا نے کہا ہے کہ کہ حکومت سے چالیس دن کے اندر 65سال کا حساب مانگا جارہاہے ، مقاصد کو حاصل کرنے کیلئے اتنے دن کافی نہیں ہیں،ہمیں پتہ ہے کہ کہاں کرپشن کا پیسہ موجود ہے لیکن یہ دوسرے ملکوں میں پڑا ہوا ہے ، اس پیسے کوواپس لانے کیلئے وقت لگے گا ۔جیونیوز کے پروگرام ”آپس کی بات “ میں گفتگو کرتے ہوئے فیصل واڈا نے کہاکہ فواد چودھری اگر پارلیمانی زبان نہیں بول رہے تو کیا پارلیمان میں بیٹھے ہوئے لوگوں نے پارلیمانی کام کئے ہیں؟ فواد چودھری کے جارحانہ رویے کی بہت سے وجوہات ہیں اس کی ایک بڑی وجہ یہ ہے کہ مشاہد اللہ خان بہت غلیظ زبان استعمال کرتے ہیں۔ انہوں نے کہا کہ حکومت سے چالیس دن کے اندر 65سال کا حساب مانگا جارہاہے ، مقاصد کو حاصل کرنے کیلئے اتنے دن کافی نہیں ہیں۔ انہوں نے کہا ہے کہ ہمیں پتہ ہے کہ کہاں کرپشن کا پیسہ موجود ہے لیکن یہ دوسرے ملکوں میں پڑا ہوا ہے ، اس پیسے کوواپس لانے کیلئے وقت لگے گا ۔ یہ وہی ادارے ہیں جو قبضہ مافیا کے خلاف آپریشن کررہے ہیں ، اربوں کی زمین واگزار کروالی گئی ہے اور مزید اربوں کی اراضی واگزار کروائی جارہی ہے ۔
