کراچی (ویب ڈیسک) اداکار آغا علی نے اپنی اہلیہ اداکارہ حنا الطاف کو شادی کیلئے پروپوز کرنے کی کہانی بیان کردی,آغا علی کا کہنا تھا کہ ہماری ملاقات ڈرامہ سیریل دلِ گمشدہ کے سیٹ پر ہوئی، شروعات میں ہم دونوں ایک دوسرے سے بالکل بات نہیں کرتے تھے، آہستہ آہستہ بات چیت شروع ہوئی۔
آغا علی نے حال ہی میں اہلیہ حنا الطاف کے ساتھ نجی ٹی وی چینل کے ایک پروگرام میں شرکت کی جہاں انہوں نے شادی سے قبل ملاقات اور پھر دوستی محبت میں بدلنے کی کہانی مداحوں کو بتائی۔
View this post on Instagram
انہوں نے بتایا کہ پھر ہماری دوستی ہوئی جس کے بعد پتہ چلا کہ دونوں کی ماضی کی زندگی میں کافی حد تک مماثلت تھی، پھر ایک دن گفتگو کے دوران حنا نے مجھے بتایا کہ وہ اپنی زندگی میں شادی کر کے سیٹل ہونا چاہتی ہیں۔اداکار کا مزید کہنا تھا کہ میری ماں جی حنا کو جانتی تھیں اور میرے دل کا حال بھی انہیں پتا تھا کہ میں اسے پسند کرتا ہوں تو انہوں نے مجھے کہا کہ بیٹا پھر تمہیں اس سے شادی کرلینی چاہیے۔اس دوران حنا الطاف کا کہنا تھا کہ میرا تعلق ساس سے بالکل دوستوں والا ہے۔گفتگو کے دوران اداکار آغا علی نے بتایا کہ ہمارا پروپوزل بھی کافی سادگی سے تھا، میں نے حنا سے فون پر پوچھا کہ تم زندگی میں سیٹل ہونا چاہتی ہو، میں بھی ایسا ہی چاہتا ہوں تو چلو شادی کرلیتے ہیں۔
View this post on Instagram
دوسری جانب آغا کی تعریف کرتے ہوئے حنا نے بتایا کہ یہ بہت وفادار ہیں، ساتھ ہی اپنی فیملی کا بے حد خیال رکھتے ہیں اور مجھے ان کی یہی خصوصیت پسند ہیں۔
یاد رہے کہ آغا علی اور حنا الطاف کی شادی گزشتہ برس لاک ڈاون کے دوران 22 مئی کو ہوئی تھی۔
