کراچی ( سچ نیوز ) اداکارہ سعیدہ امتیاز نے سوشل میڈیا پر اپنی ایک تصویر شیئر کرنے کے بعد خود کو سوشل میڈیا ٹرولز کے نشانے پر رکھ لیا ہے۔ان کی حال ہی میں شیئر کی گئی تصویر پاکستانیوں کو کچھ زیادہ پسند نہیں آئی جس کے باعث انہیں تنقید کا سامنا ہے۔
ٹوئٹر@SaeedaImtiaz
ٹوئٹر پر اپنی تصویر شیئر کرتے ہوئے سعیدہ امتیاز نے لکھا ’خواتین معاشرے کا نصف حصہ ہیں، جب تک ہماری خواتین کو آزادی نہیں ملتی ، انہیں روشن خیال نہیں بنایا جاتا اور انہیں تعلیم نہیں دی جاتی تب تک ہمارا معاشرہ پسماندہ اور زنجیروں میں 
جکڑا رہے گا۔‘
یہ تصویر سامنے آنے پر جنید اقبال نامی ٹوئٹر صارف نے لکھا ’ بہن، آپ کے پیچھے گملے کے ساتھ آپ کی حیا بھی گری ہوئی ہے اسے اٹھا لیجئے گا۔‘ اس تبصرے پر اداکارہ بھڑک اٹھیں اور اپنے فالور پر جوابی حملہ کردیا’ آپ خود کتنے پرفیکٹ ہیں، کیا آپ ایک مکمل مسلمان ہیں، اس سے پہلے کہ آپ مجھ پر انگلیاں اٹھائیںاس بات کی تسلی کرلیں کہ آپ ایک ایسی پرفیکٹ روح ہیں جو نہ تو فلمیں دیکھتی ہے ، نہ ہی موسیقی سنتی ہے اور نہی ہی ٹوئٹر ، فیس بک یا انسٹاگرام چلاتی ہے۔‘
اداکارہ کے تلخ جواب پر جنید اقبال نے کہا ’ میری بہن میں پرفیکٹ مسلمان نہیں ہوں، میں فلمیں دیکھتا ہوں ، گانے سنتا ہوں، سوشل میڈیا پر رہتا ہوں لیکن میں اس قسم کے سستی شہرت کے حربے نہیں آزماتا۔‘
سستی شہرت کا طعنہ ملنے پر سعیدہ امتیاز نے کہا کہ وہ فلموں میں ہیں ’ آپ مجھ سے کیا توقع رکھتے ہیں کہ میں فلموں میں کیا پہن کر اداکاری کروں، کیا میں پرانے دنوں کی طرح برقع یا لاچا پہنوں ؟ اب آپ بڑے ہوجائیں ۔‘ اداکارہ کے اس جواب پر ٹوئٹر صارف نے حیرت کا اظہار کرتے ہوئے کہا ’ اوہ ، کیا آپ واقعی اداکارہ ہیں؟‘۔ یہ واضح نہیں ہے کہ جنید اقبال نے اپنے اس جواب میں حیرت کا اظہار کیا ہے یا سعیدہ امتیاز کو طعنہ دیا ہے۔
انسٹاگرام پر یہی تصویر شیئر کرتے ہوئے سعیدہ امتیاز نے مختلف کیپشن دیا اور لکھا ’ اپنے ذہن کی اس طرح کی تربیت کرو کہ وہ آپ کے احساسات سے زیادہ مضبوط بن جائے‘۔انہوں نے اس پوسٹ پر (#StopJudgingMe) یعنی میرے بارے میں رائے قائم کرنا بند کرو، کا ہیش ٹیگ بھی استعمال کیا۔
داﺅد طاہر نے یہ تصویر دیکھنے کے بعد لکھا کہ آج کے بعد ان کی نظر میں اداکارہ کی عزت بالکل ختم ہوگئی ہے۔
ڈاکٹر زینب تو یہ تصویر دیکھ کر کچھ زیادہ ہی مشتعل ہوگئیں۔ ’ قیامت کی نشانیاں ہیں یہ سب، کہاں مر گیا ہے تمہارا ایمان؟ اس دنیا کی سستی شہرت کیلئے اپنی آخرت تباہ کر رہی ہو، شرم نہیں آتی تمہیں۔‘
