بھارتی وزیراعظم کو سر پر جنگی جنون سوار ہے، شاید 1965 کی جنگ بھول گئے ہیں: احسن خان

لاہور ( سچ نیوز )اداکار احسن خان نے کہا ہے کہ بھارتی وزیراعظم کو سر پر جنگی جنون سوار ہے، شاید 1965 کی جنگ بھول گئے ہیں، جہاں ان کو عبرتناک شکست ہوئی تھی۔تفصیلات کے مطابق اپنے ایک انٹرو یومیں میں احسن خان کا کہنا تھا کہ محبت اور جنگ میں سب جائز ہے ‘‘کا مقولہ میرے نزدیک ٹھیک نہیں ہے ، جنگ اور محبت کے کچھ اصول ہوتے ہیں جنہیں کسی صورت بھی پامال نہیں ہونا چاہیے لیکن اگر بھارت نے زبردستی جنگ مسلط کی تو منہ توڑ جواب دیں گے۔انہوں نے کہاکہ پاکستان ایک ایٹمی قوت بن چکا ہےِ ہم برابری کی سطح پر ہر ملک سے بات چیت کرنے کے لئے تیار ہیں ۔ بھارت کے لئے ضروری ہے کہ وہ اپنی عوام کے لئے مذاکرات کی میز پر آئے کیونکہ امن کا راستہ صرف مذاکرات سے ہی ممکن ہے ۔ انہوں نے کہا کہ پاکستانی پر امن لوگ ہیں اور محبت کی بات کرتے ہیں اگر ہم پر زبردستی جنگ مسلط کی گئی تو ہم بہادر افواج کے شانہ بشانہ ہوں گے۔