تہران (ویب ڈیسک) ایران کے سپریم لیڈر مجتبیٰ خامنہ ای کا آیت اللّٰہ خامنہ ای کے چہلم پر بیان سامنے آیا ہے ۔
’’جنگ ‘‘ کے مطابق کے مطابق آیت اللّٰہ خامنہ ای کے چہلم پر بیان جاری کرتے ہوئے مجتبیٰ خامنہ ای نے کہا ہے کہ سڑکوں پر عوام کی موجودگی 40 دنوں کی طرح جاری رہنی چاہیے۔ ایران اپنے خلاف ہونے والے حملوں کا بدلہ لے گا، آبنائے ہرمز کے انتظام کو نئے مرحلے میں لے کر جائیں گے۔
ایران کے جنوبی پڑوسیوں کو سپریم لیڈر مجتبیٰ خامنہ ای نے پیغام دیا کہ آپ ایک معجزہ دیکھ رہے ہیں، شیطان کے جھوٹے وعدوں سے بچیں، ایران تمام مزاحمتی محاذوں کو متحد وجود کے طور پر دیکھتا ہے، ایران جنگ نہیں چاہتا لیکن اپنے حقوق سے دستبردار نہیں ہوگا، ہم ابھی بھی جنوبی پڑوسیوں سے مناسب ردعمل کا انتظار کر رہے ہیں، ہم انتظار کر رہے ہیں تاکہ ہم آپ کو اپنا بھائی چارہ دکھا سکیں۔ مجتبیٰ خامنہ ای نے کہا کہ ایران اپنے شہید سپریم لیڈر اور اپنے شہداء کا بدلہ لینے کے لیے پرعزم ہے، دشمن کے ساتھ بات چیت کے باوجود ایرانی عوام کو سڑکوں سے ہٹنا نہیں چاہیے۔
