یروشلم (روزنامہ سچ)جنگ بندی کیلئے اسرائیل نے حماس کی تجویز کردہ شرائط ماننے سے انکار کردیا۔حماس نے مستقل جنگ بندی کے بدلے یرغمالیوں کی مرحلہ وار رہائی کی تجویز دی تھی۔
عرب میڈیا کے مطابق غزہ جنگ بندی کےلیے قطر میں حماس، اسرائیل بلواسطہ مذاکرات کے دوران غزہ جنگ بندی معاہدے میں مشکلات اور اختلافات برقرار ہیں۔حماس نے اسرائیلی فوج کے مکمل انخلا اور بےگھر فلسطینیوں کی واپسی کی تجویز دی تھی، اسرائیل جنگ ختم کرنے اور اسرائیلی فوجیوں کے انخلا سے انکاری ہے۔
عرب میڈیا کا کہنا ہے کہ اسرائیل یومیہ صرف 2 ہزار بےگھر فلسطینیوں کی واپسی چاہتا ہے جبکہ سارے یرغمالیوں کی ایک ساتھ رہائی چاہتا ہے۔
ٹک ٹاکر حریم شاہ کی جان کو خطرہ، سکاٹ لینڈ یارڈ نے سیکورٹی فراہم کردی
حماس کے عہدیدار ہاسم نعیم کا کہنا ہے کہ اسرائیل جنگ ختم کیے بغیر یرغمالیوں کی رہائی چاہتا ہے، حماس نے ثالثوں کو بتا دیا کہ اب مزید تجاویز پر بات کرنے کو تیار نہیں۔
