ویانا ( ویب ڈیسک ) آسٹریا میں 17 ماہ کے بعد کوروناصورتحال کنٹرول ہونے کے بعد زندگی معمول پر آنے لگی ۔آسٹرین وزیراعظم سبسٹین کرزاور وفاقی وزیر صحت وولف گانگ میکسٹین کے ساتھ مل کر پریس کانفرنس میں اعلان کیا کہ یکم جولائی سے ہر وہ چیز جو تفریح مہیا کرتی ہے دوبارہ کھل دی جائینگی۔
آسٹریا کے وزیراعظم سبسٹین کرز کا کہنا ہے کہ اگلے ہفتے کو مزید کورونا نرمیوں کی تفصیلات جاری کی جائینگی ۔انہوں نے کہا یکم جولائی سے تفریحی پارک ،لائبریریاں ،ڈسکو کلب ،سینما گھر اور تقریباً ہر وہ چیز جو تفریح سے متعلق ہے ،ان کو حفاظتی تدابیر کے ساتھ کھولنے کی اجازت ہو گی اور ایف ایف پی 2 ماسک کی شرط بھی ختم کرکے عام ماسک ایم این ایس بھی پہنا جاسکے گا۔