اسلام آباد(ویب ڈیسک)پاکستان کی خفیہ ایجنسی آئی ایس آئی کے سابق سربراہ جنرل(ر) حمید گل کی آٹھویں برسی آج منائی گئی۔
آئی ایس آئی کو دنیا کی نمبر ون ایجنسی اور کور آف ملٹری انٹیلی جنس بنانےوالوں میں جنرل حمید گل کا نام بھی نمایاں ہے۔ ایمان ، تقویٰ، جہاد فی سبیل اللہ کا نعرہ جنرل حمید گل کے دور میں گونجا جسکی پکار حالیہ قبائلی جرگہ میں جنرل عاصم منیر نے پھر سے دہرا دی۔جنرل حمید گل کہتے تھے کہ پاکستانی فوج صرف فوجی نہیں ہوتے بلکہ جہادی بھی ہوتے ہیں۔
پاکستان کے لیے ان کی خدمات کو جرمن حکومت نے بھی تسلیم کیا۔
جنرل حمید گل 20 نومبر، 1936ءکو سرگودھا میں پیدا ہوئے۔انہوں نے 1965 اور 1971 کی پاکستان بھارت جنگوں میں حصہ لیا اور افغان لڑائی میں اہم کردار ادا کیا۔1965 میں وہ چونڈہ کے محاذ پر ٹینک کمانڈر تھے۔ 1972 سے1976ءتک وہ بٹالین کمانڈر رہے۔ 1978 میں ان کی بریگیڈیئر کی حیثیت سے ترقی ہوئی، اور 1980 میں وہ فرسٹ آرمرڈ ڈویژن ملتان میں کمانڈر رہے،1988ءمیں جنرل حمید گل کو ضیاءالحق نے ڈی جی آئی ایس آئی بنایا تھا، اس سے قبل وہ کور کمانڈر ملتان تھے،ان کی عمر 79 سال تھی، حمید گل 1987 سے 1989 تک آئی ایس آئی کے سربراہ رہے، انہوں نے 1956ءمیں پاک فوج میں شمولیت اختیار کی تھی اور 1992ءمیں ریٹائر ہو گئے ۔ان کا انتقال15اگست2015ءمیں ہوا ۔
