ڈالر کی قیمت میں اضافہ کیوں ہوا؟ سٹیٹ بینک نے بالآخر اس سوال کا جواب دیدیا جس کا سب کو بے صبری سے انتظار تھا

کراچی (سچ نیوز) سٹیٹ بینک آف پاکستان نے انٹرابینک مارکیٹ میں ڈالر کی قیمت میں اضافے کی وجہ عالمی ادائیگیوں کو قرار دیدیا ہے اور کہا ہے کہ ناخوشگوار اتار چڑھاﺅ کی صورت میں مداخلت کیلئے تیار ہیں۔سٹیٹ بینک کی جانب سے جاری ہونے والے بیان میں کہا گیا ہے کہ انٹرابینک میں ڈالر 133 روپے 64 پیسے کا ہو گیا ہے اور اس کی وجہ عالمی ادائیگیوں کے باعث روپے کی قدر میں ہونے والی کمی ہے۔ سٹیٹ بینک کا کہنا ہے کہ خام تیل کی بڑھتی قیمت امپورٹ بل میں اضافے کی وجہ بن رہی ہے جبکہ امپورٹ بل کی ادائیگیوں کے باعث روپیہ دباﺅ کا شکار ہے جس کے باعث ڈالر کی قیمت میں اضافہ ہوا ہے۔سٹیٹ بینک نے مزید کہا ہے کہ وہ ٹورتحال کی مسلسل کڑی نگرانی میں مصروف ہیں اور ناخوشگوار اتار چڑھاﺅ کی صورت میں مداخلت کیلئے بھی تیار ہیں۔