لندن(مانیٹرنگ ڈیسک) تین روز ارجنٹائن کے فٹ بالر ایمیلیانو سالا ایک طیارے میں سفر کر رہے تھے جو اچانک لاپتہ ہو گیا اور تاحال اس کا سراغ نہیں لگایا جا سکا۔اب اس طیارے کے سمندر میں گر کر تباہ ہونے کے متعلق ایوی ایشن کے ماہرین نے حیران کن انکشاف کر دیا ہے۔ میل آن لائن کے مطابق سابق پائلٹ آیسٹیئر روزنچین اور دیگر ایوی ایشن کے ماہرین کا کہنا ہے کہ ”بدقسمت طیارے کے پروں پر برف جم جانا اس کی تباہی کی ممکنہ وجہ ہو سکتی ہے۔ یہ طیارہ سنگل انجن تھا اور سنگل انجن طیارے کو سردیوں کے موسم میں رات کے وقت سمندر کے اوپر سے گزارنا خطرے سے خالی نہیں ہوتا، کیونکہ ایسے میں طیارے کے پروں جہاں برف جم جانا عام بات ہے وہیں طیارے کے انجن کے کام چھوڑنے کا بھی خطرہ بہت بڑھ جاتا ہے۔ ایسی صورت میں طیارے کی تباہی یقینی ہوتی ہے کیونکہ اس میں دوسرا انجن نہیں ہوتا۔“
