تہران(سچ نیوز) ایران نے امریکی تنقید کے بعد سعودی عرب کی جانب دوستی کا ہاتھ بڑھایا ہے، وزیر خارجہ نے کہاکہ ایران تمام پڑوسیوں کی طرف دوستی کا ہاتھ بڑھاتا ہے تاکہ مل کر ہم ایک مضبوط خطے کی بنیاد رکھ سکیں اور خود پسندی کو ختم کرسکیں۔نجی ٹی وی چینل”ہم نیوز“ کے مطابق ایران وزیر خارجہ جواد ظریف کا اپنے ٹوئٹر پیغام میں کہنا تھا کہ امریکی صدر ڈونلڈ ٹرمپ مستقل سعودیوں کی تذلیل کرتے رہتے ہیں کہ ہماری مدد کے بغیر سعودی حکومت دو ہفتوں کے لیے بھی گزارا نہیں کرسکتیں، کسی دوسرے ملک کو اپنے ملک کی سیکیورٹی دینے کا یہ نتیجہ ہوتا ہے،انہوں نے خطے کے تمام ممالک کی طرف دوستی کا ہاتھ بڑھایا اور عزم کا اظہار کیا کہ ایران تمام پڑوسیوں کی طرف دوستی کا ہاتھ بڑھاتا ہے تاکہ مل کر ہم ایک مضبوط خطے کی بنیاد رکھ سکیں اور خود پسندی کو ختم کرسکیں۔واضح رہے صدر ٹرمپ نے گزشتہ روز کہا تھا کہ ہم سعودی حکومت کو سیکیورٹی فراہم کرتے ہیں اوروہ سعودی بادشاہ سلمان سے محبت کرتے ہیں مگر وہ کافی مالدار ہیں اور انہیں ہماری سیکیورٹی خدمات کی ادائیگی کرنی ہوگی،ہماری مدد کے بغیر سعودی حکومت 2 ہفتوں تک بھی گزارا نہیں کر سکتی۔
