واشنگٹن(سچ نیوز )امریکی صدر کے سابق نائب اوماروسا نیومین نے دعویٰ کیا ہے کہ ٹرمپ کی اہلیہ میلانیا طلاق لینے کے لئے دن گن رہی ہیں،میلانیا شوہر کو شرمندہ کرنے کیلئے قصدا خلاف معمول لباس پہنتی ہیں۔
بین الاقوامی میڈیا کے مطابق امریکہ کے صدر ڈونلڈ ٹرمپ کے سابقہ نائب اوماروسا نیومین نے امریکی رائے عامہ میں مباحث کی راہ ہموار کرنے والی "سرپِھرا” نامی کتاب میں کہا ہے کہ صدر ڈونلڈ ٹرمپ کی اہلیہ میلانیا ٹرمپ طلاق لینے کے لئے دن گن رہی ہیں۔نیومین نے کہا ہے کہ میلانیا ٹرمپ اپنے شوہر کو شرمندہ کرنے کے لئے قصدا خلاف معمول لباس پہنتی ہیں۔ ان کے لباس پر نگاہ ڈالنے سے ان کے سٹال کی بغاوت کا واحد مقصد دکھائی دیتا ہے۔ مجھے یقین ہے کہ میلانیا یہ اسٹائل اپنے شوہر کو سزا دینے کے لئے اختیار کئے ہوئے ہیں۔انہوں نے کہا ہے کہ ٹرمپ اپنے غلطیوں کا ازالہ کرنے کے لئے زبردستی اپنی اہلیہ کو مہاجرین کے مرکز میں لے کر گئے اسی وجہ سے میلانیا نے احتجاجا "مجھے حقیقتا کوئی پرواہ نہیں ہے” کی تحریر والی جیکٹ پہن رکھی تھی۔نیومین نے دعوی کیا ہے کہ ٹرمپ کی ازدواجی زندگی ایک چٹان کے کنارے پر آ گئی ہے اور میلانیا اپنے شوہر کے عہدہ صدارت کی مدت پوری ہوتے ہی طلاق لینے کی خواہش مند ہیں۔ جہاں تک میرا خیال ہے میلانیا دن گن رہی ہیں کہ کب ان کے شوہر کے عہدہ صدارت کی مدت پوری ہو اور وہ ان سے طلاق لیں۔واضح رہے کہ نیومین وائٹ ہاوس کے گنے چنے ایفرو۔ امریکن باشندوں میں سے ایک ہیں ۔ انہوں نے صدر ٹرمپ کی انتخابی مہم میں فرائض ادا کئے اور انتخابات میں کامیابی کے بعد ٹرمپ کے نائب منتخب ہوئے تھے۔نیومین نے وائٹ ہاوس میں گزارے ہوئے دنوں کے بارے میں تحریر کردہ کتاب میں ٹرمپ کو "نسلیت پرست” ٹھہرایا ہے تاہم صدر ٹرمپ نے ان کے دعووں کی تردید کی ہے۔
