واشنگٹن(سچ نیوز) امریکہ کے نائب صدر مائیک پینس نے چین پر الزام عائد کیا ہے کہ وہ صدر ڈونلڈ ٹرمپ کی انتظامیہ کو دباؤ میں لانے کی کوششوں میں ہے اور چین اس وقت امریکی صنعت اور ریاستوں کو ہدف بنا کر انتخابی عمل میں مداخلت کا ارتکاب کر رہا ہے۔غیر ملکی میڈیا کے مطابق معروف تھنک ٹینک ’’ ہڈسن انسٹیٹیوٹ‘‘ میں خطاب کرتے ہوئے امریکی نائب صدر مائیک پینس کا کہنا تھا کہ چین امریکہ میں ایک مختلف صدر کا متمنی ہے اور یہ افسوسناک ہے کہ بیجنگ وسط مدتی امریکی انتخابات میں مداخلت کی کوششوں میں ہے۔ پینس نے مزید کہا کہ چین یہ نہیں چاہتا کہ ٹرمپ یا ان کے ساتھی ان انتخابات میں کامیابی حاصل کر سکیں۔ امریکی نائب صدر کے مطابق چین اس وقت امریکی صنعت اور ریاستوں کو ہدف بنا کر انتخابی عمل میں مداخلت کا ارتکاب کر رہا ہے۔
