” میرا تعلق چھوٹا شکیل گینگ سے ہے اور اگر مجھے سلمان خان کے ساتھ کام کی اجازت نہ دی گئی تو۔۔۔“ غلام نبی گرفتار لیکن دراصل یہ کون تھا؟ بھارتی فلم انڈسٹری سے خبرآگئی

ممبئی (سچ نیوز) بالی وڈ کے دبنگ خان سلمان خان کے والد سلیم خان کو فون پر دھمکی دینے والے شخص کے خلاف پولیس نے ایکشن لیتے ہوئے اسے گرفتار کرلیا۔تفصیلات کے مطابق ریاست اتر پردیش کے شہر الہ آباد سے تعلق رکھنے والے شہری شاہ رخ غلام نبی نے سلمان کے پرسنل سیکریٹری کا نمبر حاصل کرکے ان سے رابطہ کرنے کی کوشش کی اور اپنی خواہش کا اظہار کرتے ہوئے کہا کہ وہ اداکار کے ساتھ کام کرنا چاہتا ہے۔سیکریٹری کی جانب سے انکار کیے جانے کے بعد غلام نبی نے ممکنہ طریقے سے سلمان خان کے والد سلیم خان سے رابطہ کیا اورانہیں دھمکی دیتے ہوئے کہا کہ اگر سلمان خان کے ساتھ کام کرنے کی اجازت نہیں دی گئی تو انہیں سنگین نتائج بھگتنے پڑیں گے کیوں کہ میرا تعلق ’چھوٹا شکیل گینگ‘ سے ہے۔اس دھمکی کے بعد مقامی پولیس حکام نے فوری ایکشن لینے کا فیصلہ کیا اور اس شخص کو گرفتار کر لیا۔