لاہور ( سچ نیوز )ملک بھر میں آج رحمتوں اور برکتوں والی سب برات مذہبی عقیدت و احترام سے منائی جارہی ہے ۔اس موقع پر مساجد میں چراغا ں اور خصوصی عبادات کا اہتمام کیا گیا ہے جبکہ مساجد و گلی محلوں میں میلاد و ذکرو نعت کی محافل سجائی گئی ہیں۔علما کرام خصوصی مجالس میں اس رات کے فضائل و مناقب بیان کرتے ہیں، دینی اسکالرز کا کہنا ہے کہ شبِ برات کے موقع پر شہری جہاں اپنی بخشش کی دعائیں کرتے ہیں، وہیں اپنے فوت شدہ عزیزواقارب کی مغفرت کے لئے قبرستان جا کر قرآن خوانی اور فاتحہ خوانی کا اہتمام کرتے ہیں ۔ماہ شعبان کی پندرھویں رات کو عام طور پر شب برات یعنی بری ہونے کی رات کہا جاتا ہے، اس رات مسلمان توبہ کرکے گناہوں سے قطع تعلق کرتے ہیں اور جہنم سے نجات پاتے ہیں، اس رات اللہ تعالیٰ کی طرف سے مسلمانوں کے لئے عام معافی کا اعلان ہوتا ہے، اسی لیے اس رات کو شبِ برات کہتے ہیں۔اس مناسبت سے نذر و نیاز کا بھی خصوصی اہتمام کیا گیا ہے جب کہ شب بر?ت پر بڑی تعداد میں لوگ قبرستانوں کا بھی رخ کررہے ہیں اپنے پیاروں کی قبروں پر پھول چڑھانے کے ساتھ ساتھ ان کی مغفرت کے لیے فاتحہ خوانی بھی کرنے میں مصروف ہیں۔شب برات کے سلسلے میں قبرستانوں میں صفائی ستھرائی اور چراغاں کے خصوصی انتظامات کیے گئے ہیں جبکہ ملک بھر میں سیکیورٹی کے سخت انتظامات سخت کیے گئے ہیں۔آج شب برات کی افضل رات کے موقع پر لاکھوں شہری قبرستان جاکر اپنے پیاروں کے ایصال ثواب کے لیے قبروں پر حاضری بھی دیتے ہیں ۔