نیو یارک (سچ نیوز) مقبول امریکی گلوکار، موسیقار، لکھاری اور سابق باسکٹ بال کھلاڑی 52 سالہ رابرٹ سلویسٹر کیلی جو آر کیلی پر مزید دو خواتین نے جنسی تشدد کا نشانہ بنانے کا الزام عائد کردیا ۔
غیر ملکی میڈیا رپورٹ کے مطابق مقبول امریکی گلوکار 52 سالہ رابرٹ سلویسٹر کیلی جوآرکیلی پر مزید دو خواتین نے جنسی تشدد کا نشانہ بنائے جانے کا الزام عائد کردیا ہے اس سے قبل بھی آکیلی پر کم سے کم 50 خواتین و اداکارائیں جنسی طور پر ہراساں کرنے اور ریپ کا الزام لگا چکی ہیں۔گلوکار پر نابالغ لڑکی سے شادی کرنے ،اپنی بیویوں کیساتھ نازیبا رویئے ،نابالغ لڑکیوں کے ساتھ جنسی تعلقات استوار کرنے سمیت خواتین کیساتھ نازیبا رویے اختیار کرنے جیسے الزامات عائد ہیں۔آر کیلی کیخلاف کم عمر لڑکیوں کے ساتھ جنسی تعلقات، خواتین کو جنسی طور پر ہراساں کرنے اور فحش ویڈیوز بنانے جیسے الزامات پر برطانوی نشریاتی ادارے نے گزشتہ سال ایک طویل تحقیقاتی دستاویزی فلم بھی ریلیز کی تھی۔دستاویزی فلم میں کم سے کم 50 خواتین و افراد کے انٹرویوز شامل کیے گئے تھے جن میں سے زیادہ تر متاثرہ افراد تھے، فلم کو رواں ماہ 25 فروری کو دوبارہ نشر کئے جانے کی بھی اطلاعات ہیں۔اگرچہ اس دستاویزی فلم کو پہلے بھی بی بی سی پر نشر کیا جا چکا ہے، تاہم اب اطلاعات ہیں کہ اسے رواں ماہ 25 فروری کو دوبارہ نشر کیا جائے گا۔
غیر ملکی میڈیا کے مطابق نیو یارک میں پریس کانفرنس کرتے ہوئے ہوئے 40 سالہ خاتون لیٹریسا اسکاف اور 39 سالہ رشیل واشنگٹن کے مطابق آر کیلی نے کہا کہ انہیں 1995 میں ایک میوزک فیسٹیول کے بعد ہوٹل کے کمرے میں جنسی تشدد کا نشانہ بنایاگیا۔خواتین نے الزام عائد کیا کہ آر کیلی نے انہیں بالٹی مور میں میوزک فیسٹیول کے بعد اپنے ہوٹل کے کمرے میں بلانے کے بعد نشہ دے کر جنسی تشدد کا نشانہ بنایا۔خواتین کے مطابق جب آر کیلی میوزک فیسٹیول میں پرفارمنس کر رہے تھے تو انہوں نے ان سے ملنے کی کوشش کی اور گلوکار کی ٹیم میں شامل افراد نے لوگوں کی بھیڑ سے انہیں نکال کر گلوکار کے قریب پہنچایا۔خواتین نے اعتراف کیا کہ گلوکار کی ٹیم نے انہیں پروگرام کے بعد ہوٹل کے کمرے میں مدعو کیا، جہاں وہ پہنچیں تو آر کیلی نے انہیں کوکین اور شراب پیش کی۔خواتین کے مطابق آر کیلی نے نشہ آور چیزیں دینے کے بعد ان سے جنسی تعلق کا مطالبہ کیا۔
رشیل واشنگٹن نے بتایا کہ میں نے کیلی کا مطالبہ مسترد کردیا اور میں باتھ روم میں چھپ گئیں، تاہم لیٹریسا اسکاف نے گلوکار کیساتھ جنسی تعلق استوار کئے ۔لیٹریسا اسکاف نے اعتراف کیا کہ وہ آرکیلی کیساتھ سیکس کرنے کے بعد کمرے سے چلی گئیں۔خواتین کا کہنا تھا کہ جب یہ واقعہ پیش آیا اس وقت ان کی عمریں 15 اور 16 برس تھی۔نئی خواتین کے سامنے آنے کے بعد تاحال آرکیلی یا ان کے کسی نمائندے نے کوئی جواب نہیں دیا۔دوسری جانب امریکی میڈیا میں خبریں ہیں کہ جلد ہی آرکیلی کیخلاف تحقیقات کا آغاز کردیا جائیگا اور امکان ہے کہ گلوکار کو حراست میں لیا جائے۔