لندن(سچ نیوز)برطانوی پولیس نے کہاہے کہ دارالحکومت لندن کے شمال مغربی حصے میں ایک مسجد کے باہر ایک گاڑی نے2افراد کو نشانہ بنایا۔غیرملکی خبررساں ادارے کے مطابق پولیس نے کہہ دیا ہے کہ اس معاملے کا دہشت گردی سے کوئی تعلق نہیں۔ اطلاعات ہیں کہ گاڑی پر سوار افراد نے ایسے جملے کسے، جو اسلام کے خلاف، توہین آمیز اور نفرت پر مبنی تھے۔رپورٹ کے مطابق پولیس اس معاملے کی تفتیش کر رہی ہے جبکہ زخمیوں کو ہسپتال منتقل کر دیا گیا ہے اور انہیں معمولی چوٹیں آئی ہیں۔
