اسلام آباد (سچ نیوز) پیپلز پارٹی کے شریک چیئرمین آصف علی زرداری نے اپوزیشن لیڈر شہباز شریف سے مختصر ملاقات کی۔قومی اسمبلی میں اجلاس کے دوران شہباز شریف اور آصف زرداری کے درمیان یہ مختصر دورانیے کا ٹکراو اس وقت ہوا جب اپوزیشن لیڈر ایوان سے باہر جانے کےلئے اٹھے تو سابق صدر بھی اپنی نشست سے اٹھ گئے اور شہباز شریف سے مصافحہ کیا ۔اس موقع پر آصف علی زرداری نے شہباز شریف کو قریب کر کے مختصر گفتگو بھی کی ۔ اس موقع پر بلاول بھٹو، راجا پرویز اشرف، شاہد خاقان عباسی، نوید قمر اور دیگر سیاسی قائدین بھی موجود تھے۔
