لاہور (سچ نیوز)صوبائی دارالحکومت کے علاقے جوہر ٹاﺅن میںقبضہ گروپ کے مبینہ سرغنہ منشا کھوکھر کی وجہ شہرت ”بم“ ہونے کے حوالے سے انکشاف ہواہے کہ منشا کھوکھر کا نام منشا بم ان کی گہری رنگت اور لہجے کی سختی کی وجہ سے پڑا ہے ۔دنیا نیوز کے مطابق منشا کھوکھر کا رنگ گہرا ہے اور جب وہ بات کرتا ہے تو سخت لہجے سے کرتا ہے جس کی وجہ سے عام لوگوں میں وہ منشا بم کے نام سے مشہور ہوچکاہے اور دلچسپ بات یہ ہے کہ اسی علاقے میں منشا نامی ایک اور شخصیت بھی ہیں جن کو ان کے صاف رنگ کی وجہ سے منشا ٹل کے نام سے پکارا جاتاہے ، یوں جوہر ٹاﺅن میں منشا بم اور منشا ٹل نامی یہ دو شخصیات اپنی گہری اور سانولی رنگت کی وجہ سے مخصوص القاب ”بم“اور”ٹل “ سے پکار ی جاتی ہیں۔
