واشنگٹن (سچ نیوز)امریکی فوجی عہدیدار نے عالمی سربراہان کو متنبہ کیا ہے کہ وہ داعش اور دیگر دہشت گرد گروہوں کے خلاف حاصل ہونے والی پیش رفت کو کامیابی قرار دینے کی غلطی نہ کریں۔امریکی نشریاتی ادارے کے مطابق جوائنٹ چیفس آف سٹاف کے سربراہ جنرل جوزف ڈنفرڈ نے عراق اور شام میں داعش کے خلاف لڑائی میں حاصل کردہ پیش رفت کو خصوصی طور پر حوصلہ افزا قرار دیا لیکن ساتھ ہی امریکی اتحادیوں پر زور دیا کہ وہ مشرق وسطیٰ اور اس سے آگے دنیا بھر میں داعش کے ساتھ ساتھ القاعدہ کے خلاف دبا ؤجاری رکھیں۔جنرل ڈنفرڈ نے یہ بات واشنگٹن سے باہر منعقدہ پرتشدد انتہا پسند تنظیموں کے خلاف دفاعی سربراہان کے ایک اجلاس میں بتائی۔ ا نہوں نے کہا کہ شاید سستی کے شکار ہونے کا خدشہ ہمیں درپیش سب سے بڑا چیلنج ہے۔ڈنفرڈ نے کہا ہے کہ ہماری جانب سے اب تک حاصل ہونے والی پیش رفت کا غلط اندازہ اور خطرے کی نوعیت کے کسی غلط ادراک کی صورت میں ہمارے قائدین پرتشدد انتہا پسندی کے بارے میں توجہ برقرار نہ رکھ سکیں، ایسے میں جب وہ دیگر اہم چیلنجوں کی جانب دھیان دے رہے ہوں گے۔
