شمالی کوریا نے جوہری سائٹس معائنے کی اجازت دے دی

سئیول( سچ نیوز ) شمالی کوریا کے سربراہ عالمی ماہرین کو اپنی جوہری اور میزائل سائٹس کے معائنے کی اجازت دینے کو تیار ہوگئے۔غیرملکی میڈیا کے مطابق مائیک پومپیو کا کہنا ہے کہ کم جونگ ان عالمی ماہرین کو جوہری اور میزائل سائٹس کے معائنے کی اجازت دینے کو تیار ہیں۔ معاملات طے پانے پر ماہرین جلد شمالی کوریا کے میزائل انجن ٹیسٹ سائٹ اور پن گئی ری نیو کلیئر سائٹ کا دورہ کریں گے۔مائیک پومپیو کے مطابق دونوں ملک دوسرے سربراہی اجلاس کی تفصیل پر معاہدہ طے پاجانے کے قریب ہیں۔دوسری جانب شمالی کوریا کے سربراہ کم جونگ نے خط لکھ کر امریکی صدر ٹرمپ سے دوسری ملاقات کی خواہش کی ہے۔